ਜਵੱਦੀ ਟਕਸਾਲ" ਵੱਲੋਂ ਨਨਕਾਣਾ ਸਾਹਿਬ ਦੇ ਸ਼ਹੀਦਾਂ ਦੀ ਯਾਦ 'ਚ ਵਿਸ਼ੇਸ਼ ਸੈਮੀਨਾਰ 20 ਫਰਵਰੀ ਨੂੰ
ਗਿ: ਹਰਪ੍ਰੀਤ ਸਿੰਘ, ਗਿ: ਪਿੰਦਰਪਾਲ ਸਿੰਘ, ਡਾ: ਅਨੁਰਾਗ ਸਿੰਘ, ਸ. ਚਰਨਜੀਤ ਸਿੰਘ ਆਦਿ ਵਿਦਵਾਨ ਪੁਰਖਿਆਂ ਦੇ ਆਦਰਸ਼ ਤੋਂ ਜਾਣੂ ਕਰਵਾਉਣਗੇ-ਸੰਤ ਅਮੀਰ ਸਿੰਘ
ਲੁਧਿਆਣਾ (ਵਿਕਰਮ ਸੈਣੀ) ਗੁਰਬਾਣੀ, ਗੁਰਮਤਿ ਸੰਗੀਤ ਅਤੇ ਸਿੱਖ ਇਤਿਹਾਸ ਦੇ ਪ੍ਰਚਾਰ ਪ੍ਰਸਾਰ ਲਈ ਨਿਰੰਤਰ ਕਾਰਜਸ਼ੀਲ "ਜਵੱਦੀ ਟਕਸਾਲ" ਵਲੋਂ ਮੁਖੀ ਮਹਾਂਪੁਰਸ਼ ਸੰਤ ਬਾਬਾ ਅਮੀਰ ਸਿੰਘ ਜੀ ਦੀ ਅਗਵਾਈ ਹੇਠ 20 ਫਰਵਰੀ 1921'ਚ ਸਿੱਖ ਸਮਾਜ, ਸਿੱਖ ਰਾਜਨੀਤੀ ਤੇ ਭਾਰਤੀ ਰਾਜਨੀਤੀ ਤੇ ਡੂੰਘਾ ਪ੍ਰਭਾਵ ਪਾਉਣ ਵਾਲੇ "ਨਨਕਾਣਾ ਸਾਹਿਬ ਦੇ ਸਾਕੇ" ਦੇ ਸਬੰਧ 'ਚ ਵਿਸ਼ੇਸ਼ ਸੈਮੀਨਾਰ ਕਰਵਾਇਆ ਜਾ ਰਿਹਾ ਹੈ। ਜਵੱਦੀ ਟਕਸਾਲ ਦੇ ਮੁਖੀ ਮਹਾਂਪੁਰਸ਼ ਸੰਤ ਬਾਬਾ ਅਮੀਰ ਸਿੰਘ ਜੀ ਦੇ ਹਵਾਲੇ ਨਾਲ ਜਾਣਕਾਰੀ ਦਿੱਤੀ ਗਈ ਕਿ ਫਰੰਗੀ ਹਕੂਮਤ ਦੇ ਪਾਲਤੂ ਚਰਿੱਤਰਹੀਣ ਕੁਕਰਮੀ ਨਰੈਣੂ ਮਹੰਤ ਵਲੋਂ ਗੁਰਦੁਆਰਾ ਨਨਕਾਣਾ ਸਾਹਿਬ ਦੇ ਪ੍ਰਬੰਧਕੀ ਸੁਧਾਰ ਲਈ ਸ਼ਾਂਤਮਈ ਰੂਪ ਗਏ ਸਿੱਖ ਜੱਥੇ ਨਾਲ ਕੀਤੇ ਅਤਿਆਚਾਰੀ ਸਾਕੇ ਦੇ ਯਾਦ 'ਚ ਦਿਨ 20 ਫਰਵਰੀ 2025 ਨੂੰ ਸਵੇਰੇ 11:00 ਵਜੇ ਤੋਂ ਦੁਪਹਿਰ 1:00 ਵਜੇ ਤੱਕ ਜਵੱਦੀ ਟਕਸਾਲ ਵਿਖੇ ਵਿਸ਼ੇਸ਼ ਸੈਮੀਨਾਰ ਕਰਵਾਇਆ ਜਾ ਰਿਹਾ ਹੈ। ਜਿਸ ਵਿਚ ਸਿੱਖ ਕੌਮ ਦੀ ਮਾਇਨਾਜ਼ ਸ਼ਖਸ਼ੀਅਤ ਸਿੰਘ ਸਾਹਿਬ ਗਿਆਨੀ ਹਰਪ੍ਰੀਤ ਸਿੰਘ ਜੀ, ਉੱਘੇ ਸਿੱਖ ਕਥਾਵਾਚਕ ਗਿਆਨੀ ਪਿੰਦਰਪਾਲ ਸਿੰਘ ਜੀ, ਉੱਘੇ ਸਿੱਖ ਵਿਦਵਾਨ ਡਾ: ਅਨੁਰਾਗ ਸਿੰਘ, ਉੱਘੇ ਸਿੱਖ ਚਿੰਤਕ ਸ. ਚਰਨਜੀਤ ਸਿੰਘ ਪੀ.ਐੱਸ. ਬੀ.ਆਦਿ ਵਿਦਵਾਨ ਸ਼ਖਸ਼ੀਅਤਾਂ ਪੁਰਖਿਆਂ ਦੇ ਆਦਰਸ਼ ਤੋਂ ਜਾਣੂ ਕਰਵਾਉਣਗੇ। ਜਦਕਿ ਉੱਘੇ ਸਿੱਖ ਕਵੀ ਸ. ਸਤਨਾਮ ਸਿੰਘ ਕੋਮਲ ਪੰਥਕ ਜਜ਼ਬਾ ਪੈਦਾ ਕਰਦੀ ਕਵਿਤਾ ਪੇਸ਼ ਕਰਨਗੇ। ਮਹਾਂਪੁਰਸ਼ਾਂ ਵਲੋਂ ਸਭਨਾਂ ਨੂੰ ਇਸ ਸ਼ੁਭ ਅਵਸਰ ਤੇ ਸ਼ਮੂਲੀਅਤ ਕਰਨ ਦੀ ਸਨੀਮਰ ਬੇਨਤੀ ਕੀਤੀ ਹੈ।
No comments:
Post a Comment